Астана. 14 шілде. "Қазақстан Бүгін" - Қазақстанда жол қозғалысының ережелерін бұзғаны үшін жүктелетін жаза қатайтылғаннан кейін жүргізушілердің 90% астамы қауіпсіздік белбеулерін пайдаланып, жылдамдық ережесін сақтайтын болды. Бұл туралы ҚР ІІМ-нің ақпарат және бұқарамен байланыс орталығының басшысы Бағдат Қожахметов бүгін өткен брифингте мәлім етті, деп хабарлайды агенттік тілшісі.
«ІІМ елімізде заң баршаға ортақ екенін және ереже бұзғандарға заң аясында аса қатаң шаралар қолданылатынына сендіреді. Өз кезегінде заңға бағынатын, адал адамдар өздерін еркін сезіне алады», — деді Б. Қожахметов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті