Жылдың алғашқы жартысының қорытындысы бойынша Халықтық банктің таза пайдасы 20,6 млн. долларды құрады

Банк мәліметтері бойынша өткен жылдың осы мерзімімен салыстырғанда банк пайдасының ауқымы 3,3 есе немесе 2,1 млрд. теңгеге өскен. Халықтық банктің активтері 228,167 млрд. теңгеге жетіп ($1,542 млрд.), өткен жылдың осы мерзімімен салыстырғанда 67%-ке немесе 76,3 млрд. теңгеге артты. Банктің жарғылық қоры 2,784 млрд. теңгеге (немесе 72%-ке) артып 9,881 млрд. теңгені ($66,7 млн.) құрады. Банктің жеке капиталы 7,1 млрд. теңгеге ( 68%) өсіп , 22,634 млрд. теңгеге ($152,9 млн.) жетті. Есепті мерзімде несиелік портфель көлемі 58 процентке артып, банк клиенттеріне берілген несие көлемі 151,3 млрд. теңгеге дейін өсті (1,022 млрд. доллар). Банктің жалпы депозиттік қоры 154 млрд. теңгені ($1,041 млрд.) құрады. Тұрғындардың жедел депозиттерінің көлемі 57,4 млрд. теңгені ($388 млн.) құрады. Жыл басындағы көрсеткішпен салыстырғанда жедел депозиттер көлемінің өсімі 6,156 млрд. теңге болды. Халықтық банк - Қазақстандағы банк жүйесін қалыптастырушы жетекші үш банктің қатарындағы қаржылық институт. Халықтық банктің филиалдық желісіне 582 құрылымдық бөлімше қамтылады, соның ішінде 20 облыстық және аймақтық, 135 аудандық, 427 есеп-кассалық бөлімшесі бар. Төлем карточкалары бойынша қызмет көрсету желісінде 371 банкомат, 1869 POS-терминал мен 1168 импринтер бар.