Осы жолғы турнир 61 келі салмақтан басталды. Бұл жекпе-жекте Әділет Егізбеков Вуттичай Масуктан ұпай жағынан ұтылып қалды. Ал 85 келі бойынша шыққан қазақстандық Данияр Үстембаев Криангкай Сукхум атты тайландтық боксшыны жеңді. Біздің легионер Шуаиб Булудинатс (91 келі) та өз жанкүйерлерін жерге қаратқан жоқ. Ол Блайз Иепмоу Мендоуодан ұпай жағынан басым түсті. «Арландық» Рафикжон Сұлтонов (54 келі) Дончай Тхатхиге есе жіберіп қойса, шешуші жекпе-жекте Мирас Байырханов (73 келі) Ситичай Сумфауронды екінші рауандта нокдаунға жіберді. Есеп 3:2.
Енді, ақпанның 3-і күні «Астана арландары» өзінің негізгі қарсыласы Италияның «Milano Thunder» құрамасымен кездеседі. Жекпе-жектер Алматыдағы Балуан Шолақ атындағы спорт сарайында өтеді. Айта кетейік, қазіргі кезде «А» тобында «Milano Thunder» боксшылары бірінші орында келеді. Бұған дейін «Астана арландары» ол командадан ұтылып қалған еді.
