ҚР Волейбол федерациясының Атқару комитеті Александр Гуторды әйелдер құрамасының бас бапкері қызметіне ұсынды

Федерация төрағасы Нұртай Әбіқаевтың төрағалығымен өткен бұл жиында ерлер құрамасының бас бапкері Бақытжан Байтөреевтің, әйелдер құрамасының бас бапкері Геннадий Паршиннің және жағажай волейболы құрамасының бас бапкері Денис Ровкиннің есептері тыңдалды. Федерацияның баспасөз қызметі таратқан хабарламаға қарағанда, Атқару комитеті онда алғашқы екі бапкердің жұмысына қанағаттанарлық, ал соңғысына жақсы деп баға берген. Сондай-ақ Александр Иванович Гуторды әйелдер құрамасының бап бапкері етіп бекітіп, оны ҚР Спорт істері және денешынықтыру мәденитеті агенттігінің Штаттық ұлттық командалар және спорт резерві дирекциясына бекітуге ұсыныс жасауға шешім шығарды.