Қазақстандық «Риэлтор» фильмі Барнаулда өтетін халықаралық фестивальге қатысады

Қазақстандық режиссер Әділхан Ержановтың «Рилтор» фильмі сәуірдің 25-і мен 28-і аралығында Барнаулда өтетін халықаралық «Киноликбез» фестиваліне қатысады. Бұл туралы «Қазақфильм» АҚ-ның баспасөз қызметі хабарлады.

Фестивальдің мақсаты — Ресей мен алыс-жақын шетелдердегі орыс тілді кинематографистерді тәуелсіз әрі коммерциялық емес кино өнеріне тарту болып табылады, делінген хабарламада.

Фестиваль «Барлық елдердің авангардшылары,бірігіңдер!» деген ұранмен өтпек.
«Риэлтор» бұған дейін де Ресейде өткен «Киношок-2011», «Дебоширфильм — Чистые грезы-XIV» фестивальдеріне қатысып, әділқазылардың арнайы жүлделерін иеленген болатын.