Бұл туралы Caravan.kz медиа порталы kazinform.kz-ке сілтеме жасап хабарлайды.
JIbek Joly және Silk Way телеарналарында тікелей эфир сағат 10.00-де басталады. Сондай-ақ трансляцияны Kazinform сайтынан да көруге болады.
Бұған дейін хабарланғанындай, Президент Қасым-Жомарт Тоқаевтың шақыруымен Қытай Халық Республикасының Төрағасы Си Цзиньпин Қазақстанға мемлекеттік сапармен келді. Мемлекет басшысы мәртебелі мейманды елорда әуежайында қарсы алды.
Әуежайдағы қарсы алу салтанатында бірнеше қазақ баласы қытай тілінде ән шырқап, жылы лебізін жеткізді. ҚХР төрағасы балаларға ризашылығын білдіріп, болашақта Қытайдың жоғары оқу орындарында білім алуға шақырды.
Сондай-ақ Си Цзиньпин Шанхай ынтымақтастық ұйымына мүше мемлекеттер басшылары кеңесінің 24-ші отырысына қатысады.
Бір-біріне басты сауда-экономикалық серіктеске айналған қос мемлекеттің басшыларының кездесуінде қандай мән бар? Kazinform тілшісінің сараптамасын оқи отырыңыз.