Қазақстандық дзюдошылар Есмигул Куюлова мен Абылайхан Жұбаназар Париж Олимпиадасының бірінші кезеңінде жеңіліп қалды.
Бұл туралы Caravan.kz медиа порталы Olympic.kz-ке сілтеме жасап хабарлайды.
Ерлер арасындаа 81 келіде сынға түскен Абылайхан Жұбаназар бірінші кезеңде венгриялық Атилла Унгвариге есе жіберді. Кездесу қосымша уақытқа дейін созылып, қарсылас маңызды ұпайды алып кетті. Осылайша, ол келесі айналымға өте алмады.
63 келіде сынға түскен Куюлова бірінші белдесуде австриялық қарсыласы Любиана Пловесанаға есе жіберді.
Әзірге, қазақстандық дзюдошылар еншісінде бір алтын, бір қола жүлде бар.