Бұл жай ғана шоу емес, балаларға шынайы мейірім мен шаттық сыйлаған нағыз қайырымдылық мереке.
Алматы циркінде шамамен 900-ге жуық бала таңғажайып ертегінің кейіпкеріне айналды. Олар кішкентай сиқыршылармен бірге Қар ханшайымының мұз патшалығына аттанып, үлкен лазерлік шоу, фантастикалық арнайы эффектілер, таңғажайып костюмдер мен ғажайып музыкадан тұратын ерекше атмосфераны сезінді.
Қойылымға Цветной бульварындағы Никулиннің Мәскеу циркі артистері қатысып, талантымен көрермендерді тәнті етті. Басты рөлде Күлкі сақшысы ретінде Испаниядан келген көңілді сайқымазақ өнер көрсетті. Сондай-ақ, халықаралық фестивальдердің лауреаттары атанған Алматы циркінің артистері ерекше нөмірімен көпшілікті тамсандырды.
Әсіресе, мерекеге мұқтаж жандарға қамқорлық жасау – Қордың акциясы аясындағы ерекше іс-шара. Мерекелік кеш барысында цирк пен Almaty Theatre көрермендерімен бірге, қазіргі уақытта хоспистерде немесе үйде емделіп жатқан ауыр сырқатқа шалдыққан балалар да тәтті сыйлықтар алды. Қайырымдылық жобасы мыңнан астам баланы қамтып, олардың Жаңа жылын шын мәнінде ертегіге айналдырды.
Бұл мереке мұқтаж жандарға шаттық пен үміт сыйлау сынды Қордың басты идеясының жарқын көрінісіне айналды. Іс-шараның өтуіне атсалысқандардың барлығына, әсіресе өнері арқылы балаларға ғажайыпқа деген сенім ұялатқан артистерге алғысымыз шексіз!
Бұл керемет мерекені бізбен бірге бөліскен жандардың барлығына мың алғыс!
