— Мен үшін шығармашылық – өмірімнің ажырамас бөлігі және өзін-өзі көрсетудің тәсілі. Сурет салу мені бала кезімнен баурап алды, өмірімді онсыз елестете алмаймын. Менің шығармашылығым – бұл менің әлемге ой-сезімімді, идеямды бөлісе алатын тілім деп санаймын, – дейді Мәриям Әлмұхан.
Табыс жолы
Мәриям бала кезінен суретке қызығып, бірнеше жыл бойы шеберлігін шыңдап келеді. Қазір ол кескіндеме, сурет және өнер тарихын зерттеп жүр. Оның туындылары жай ғана бейнелер емес, ойлар мен сезімдердің көрінісі. Сонымен қатар, ол мобилографиямен және монтажбен айналысады, бұл дәстүрлі және заманауи өнерді біріктіруге мүмкіндік береді.
Жетістіктері
Мәриям – «Open Asia» (Ташкент), «Таланттар шоқжұлдызы» (Мәскеу) және «Арт-Проспект» (Кемерово) сынды халықаралық байқаулардың жеңімпазы. Оның жұмысын қазылар алқасы жоғары бағаланып, түрлі номинация бойынша үздік деп таныған. Бұған қоса, ол классикалық және заманауи өнерге арналған көрмелерге белсенді қатысады.
Қордың шәкіртақысы
Мәриям Қордың шәкіртақысы туралы ұстаздарынан білген. Байқауға дайындық оңай болмады, әсіресе өтінімді дайындау қиынға соқты. Бірақ табандылығының арқасында оны еңсерді. Мәриям үшін шәкіртақы – бұл тек қаржылай қолдау емес, сонымен қатар дарынын дамыту мен табысқа жетуге ынталандырады.
Қазақстан жастарына айтар кеңесі
– Өзіңізге сеніңіз және талантыңызды дамытыңыз. Әрқайсыңыздың ашуға лайық қабілеттеріңіз бар. Мақсатыңызға қарай табанды түрде жылжысаңыз, еңбегіңіз міндетті түрде бағаланады. Ең бастысы, өз ісіңізді жақсы көріңіз және ешқашан берілмеңіз, – дейді Мәриям.
Мәриямның шығармашылығы шабыт береді, ал оның табандылығы мен сүйіспеншілігі жетістікке бастайды.