Бұл туралы Caravan.kz медиа порталы Sputnik.kz-ке сілтеме жасап хабарлайды.
Қазақстанның Ресейдегі Елшілігінде Қазақстан елшісі Дәурен Абаев Омбы облысының губернаторы Виталий Хоценкомен кездесті, деп хабарлады сыртқы істер министрлігі.
Тараптар елшінің 2023 жылғы желтоқсандағы өңірге сапары барысында қол жеткізілген уағдаластықтарды талқылауды жалғастырды. Сонымен қатар, тараптар Ертістің көлік-транзиттік әлеуетін белсенді пайдалануды қолдай отырып, кейіннен Солтүстік теңіз жолына шығуды талқылады. Қазақстанның Ертіс өңіріндегі Омбы облысының инвестициялық әлеуетін таныстыра отырып, өзен бойымен экспедиция ұйымдастыру жоспары да айтылды.
«Жеңістің 80 жылдығын мерекелеуге дайындық тақырыбына ерекше назар аударылды. Омбы және қазақстандық жастардың қатысуымен атаулы іс-шаралар, патриоттық акциялар және тарихи-ағартушылық жобалар өткізілетін болады. Тағы бір айтулы күн ретінде қала тарихында есімі ерекше орын алатын көрнекті қазақ ғалымы және ағартушысы Шоқан Уәлихановтың 190 жылдығы тақырыбы да айтылды. Осыған орай Омбыда мерейтойлық іс-шара жоспарлануда», — дерп жазылған хабарламада.
Омбы облысының қазақ қауымы маңызды байланыстырушы буын болып табылады. Мұндағы қауымдастықты шамамен 70 мың адам құрайды. Елші отандастардың ана тілін үйренуге және өз дәстүрлерін сақтауға деген ұмтылысына көрсетілетін қолдауға ризашылығын білдірді.
