Бұл туралы Caravan.kz медиа порталы Ulysmedia.kz-ке сілтеме жасап хабарлайды.
ОҚИҒАНЫҢ МӘН-ЖАЙЫ
Жағдай мектепте өткен күзгі бал кезінде болған. Мұғалім оқушыға ескерту жасағаннан кейін жасөспірім оның мойнынан ұстап, бірнеше секунд бойы қысып тұрған. Куәгерлердің айтуынша, педагог қатты шошып, оқиғадан кейін дереу полицияға жүгінген.
ПОЛИЦИЯ НЕ ДЕЙДІ?
Павлодар облыстық полиция департаменті оқиғаның болғанын растады. Ведомствоның мәліметінше, тексеру нәтижесінде жасөспірімнің заңды өкіліне кәмелетке толмаған баланы тәрбиелеу міндетін тиісінше орындамағаны үшін әкімшілік хаттама толтырылған. Іс сотқа жолданды.
Оқушының тәртібі кәмелетке толмағандар ісі жөніндегі комиссияда қаралады.
