Бұл туралы ол “Dope soz” YouTube арнасына берген сұхбатында айтты, — деп хабарлайды Caravan.kz медиа порталы.
”Қазір қызда түрлі ине салып, кореялық коллаген ішкенді жақсы көреді. Оның ішінде не барын біз білмейміз. Кореялық коллагеннің бір данасы 25 мың теңге тұрады. Мұның барлығы маркетинг, мұның барлығы өтірік. Оның ішінде қандай химия барын білмейміз. Базарға бар да қарын-қарта сатып ал. Оны көкөніс сорпасына қайнатып ал да, таңертең жеп ал. Міне саған коллаген. Табиғи коллаген. Коллаген қасымызда, оны жай ғана алу керек. “Ішек-қарын иіс, анау мынау” деп жатады. Бірақ ол да стереотип. Оны кішкене айран да ұстап, сосын жақсылап тазалап алу керек. Содан кейін көкөніс сорпасына пісірсең одан кереметін таппайсың”, — деді этнограф.
