Бұл туралы Caravan.kz медиа порталы хабарлайды.
11 ақпан күні Қазақстан Президенті Қасым-Жомарт Тоқаев «2026 жылы 15 наурызда республикалық референдум өткізу туралы» жарлыққа қол қойды. Одан кейін 2026 жылы 12 ақпанда елдің жаңа негізгі заңының жобасы жарияланды. Құжаттың мәтінімен gov.kz сайтында танысуға болады. Азаматтардың жобаны оқып, талдап, өз шешімін қабылдауға уақыты бар. Олар өз шешімдерін 15 наурыз күні референдумда білдіре алады. Дайындық жұмыстарын Қазақстан Республикасының Орталық сайлау комиссиясы және аймақтық, учаскелік сайлау комиссиялары жүргізіп жатыр.
Бұл бастаманы қарауға мемлекет басшысының Қазақстанда бір палаталы Парламент құру туралы ұсынысы түрткі болды. Ол бұл идеяны 2025 жылғы 8 қыркүйекте жыл сайынғы Жолдауында жариялады. Ал 8 қазанда парламенттік реформа жөніндегі Жұмыс тобын құру туралы өкімге қол қойылды. Бірнеше ай бойы топ мүшелері жалпы саны екі мыңнан асатын ұсыныстарды қарап, жинақтады.
Бірнеше ай бойы қоғамда жаңа реформа қызу талқыланды. Осы уақыт аралығында Жұмыс тобы азаматтар мен сарапшылардан түскен екі мыңнан астам ұсынысты жан-жақты зерделеп, қорытындылады. Биыл қаңтар айында өткен Ұлттық құрылтайдың V отырысында Қасым-Жомарт Тоқаев атқарылған жұмысты қорытындылап, реформаның жалпы бағытын таныстырды. Бастапқыда Конституцияның шамамен 40 бабына түзету енгізу жоспарланғанымен, қоғамдық талқылау барысында өзгерістер ауқымы бұдан да кең болатыны белгілі болды.
21 қаңтарда Президент «Конституциялық реформа жөніндегі комиссия құру туралы» жарлыққа қол қойды. Комиссия құрамына 130 адам енді. Оны Конституциялық соттың төрайымы Эльвира Әзімова басқарады. Төраға орынбасарлары — Мемлекеттік кеңесші Ерлан Қарин және Премьер-Министрдің орынбасары, Мәдениет және ақпарат министрі Аида Балаева.
Жаңа Конституцияны қабылдау тақырыбына қатысты өзекті жаңалықтарды осы жерден оқи аласыз.