Алматыдағы Мемлекеттік мұражайда Лувр мен Версальдан әкелінген картиналар көрмесі өтеді

Алматыдағы Әбілхан Қастеев атындағы мемлекеттік өнер мұражайында маусымның 8-і мен тамыздың 5-і аралығында «Франция маржаны - Ренессанс дәуірінен біздің заманымызға дейінгі француз өнері мен мәдениеті» атты көрме өтеді.

Мұражай сайтындағы ақпарға сүйенсек, «Көрмеге кескіндеме, скульптура, графика, тоқыма өнері мен шпалер, қолданбалы және зергерлік өнер, фотосурет өнерінің 400-ден астам туындысы қойылады».

Топтамаға Лувр, Версаль, дОрсе, Помпиду орталығы, Француз төңкерісі мұражайы, Құрметті Легион мұражайы, Мобилье Насиональ, Сити де ля мюзик сынды мұражайлардың туындылары енген.