Бұл туралы ҚазАқпарат тілшісіне сұхбат берген «Саңыраулар театры» жобасаның жетекшісі Ақбала Мұхамедқалиева мәлімдеді.
Бүгінде театр ұжымы алғашқы қойылым — «Түймеқыз» («Дюймовочка») спектаклін әзірлеп қойды. «Қазіргі кезде бізді Алматыға шақырып жатыр. Гастрольдің нақты уақыты әлі белгісіз. Дегенмен, алдағы уақытта біздің театр Алматы қаласына барып, ол жердің зағип жандары алдында өнер көрсетпек. Енді, шыны керек, қазір қаржы жағынан қиындық болып жатыр. Әйтпесе, біз Қазақстанның кез келген қаласына барып, спектакль қойып беретін едік», — дейді А. Мұхамедқалиева.
Саңыраулар театры биыл ақпан айында құрылған болатын. Бүгінде театр құрамында алты әртіс бар. Олар — Айман Жүнісбаева, Әйгерім Аяпбергенова, Жасұлан Жасанов, Жасгүл Омарова, Руслан Ахметов және Эльнара Латыфуллина. Қоюшы-режиссеры — Данияр Малғаждаров. Хореографы — Ирина Омель.
