Бағдарламаға сәйкес Табыл Досымов туралы түсірілген деректі фильмнің таныстырылымы болады. «Табылтануға талпыныс» атты бөлімде зерттеуші-ғалым, әдебиетші, қаламгерлер қазақтың тұңғыш бард ақынының шығармашылығын талдап, зерттелуі туралы ой толғайды. Сондай-ақ, кеште естеліктер айтылып, Табылдың әндері орындалады.
Өнер иесін еске алу кешіне Әбіш Кекілбаев, Фариза Оңғарсынова, Ғарифолла Есім, Мереке Құлкенов, Таласбек Әсемқұлов және басқа қоғам қайраткерлері қатысады деп күтілуде.
Бұл шараны елордалық ақын-жазушылар мен журналистер ұйымдастырып отыр.
(Басталуы: сағ. 16:00)
