Түркістанда Өзбекстан азаматы өзінің екі жерлесін өлтіріп, тағы бірін жарақаттаған

Түркістанда екі адамның қанын мойнына жүктеген 35 жастағы Өзбекстан азаматы ұсталды, деп ОҚО ішкі істер департаментінің баспасөз қызметі мәлімдеді.


           Түркістанда жекеменшік үй салынып жатқан жерде Өзбекстанның 1989 бен 1994 жылы туған екі азаматының денесі табылды. Олар бас жарақатынан қайтыс болған. Тағы бір 23 жастағы өзбек азаматы ауыр бас жарақатымен қалалық аурухананың жансақтау бөліміне жеткізілді.
           Көршілер мен құрылыстың отыз жастағы қожайынынан жауап алу барысында полицейлер ер кісі үй салуға төрт жұмысшыны жалдағанын анықтаған. Жұмысшылар өзара жиі ұрсысатын болған. Бірнеше күннен кейін үй қожайыны екі жұмысшының өлі денесін тауып алған соң, үшінші зардап шегушіден қылмысты қасындағы әріптесі жасап қашып кеткенін айтқан.
           Күдікті 35 жастағы Өзбекс тан азаматы жедел іздеу шарасы барысында ұсталды. Ол өзін жиі ұрып-соғып, тамақ бермей төрт адамның орнына жұмыс істеуге жиі мәжбүрлегені үшін таныстарымен арадағы келіспеушілік салдарынан осындай қылмысқа барғанын айтқан.
           Осы факті бойынша қылмыстық іс қозғалды.