Бұл туралы холдинг басқарма төрағасының орынбасары Алина Алдамберген хабарлады.
«Экономиканың жаңа салаларын ашу және қолданыстағы салаларды дамыту үшін арзан әрі қолжетімді қаржы қажет. Осыған орай, холдинг ұзақ уақытқа арзан ақша беруді мақсат етіп отыр. Биылғы жылы біз 3,7 млрд доллардан астам қаражат бөлеміз, ол 8 мыңнан астам жұмыс орнын ашуға мүмкіндік беруі тиіс», — деді ол бейсенбі күні Астана экономикалық форумының сессиясында.
Оның айтуынша, биыл және келесі жылы жалпы құны 8 млрд доллардан асатын 20 инвестициялық жоба қаржыландырылмақ. Бұл жобалар бойынша 6 мың жаңа жұмыс орнын ашу көзделіп отыр.