Елорда ІІД баспасөз қызметінің хабарлауынша, есірткі дүйсенбі күні «Тойота» көлігін тоқтатып тексеру барысында табылды. Ол көліктегі 23 жастағы жолаушыға тиесілі болып шықты.
Қарағанды облысында тұратын жас жігіт салмағы 1 келіден астам героинді шалбарының ішіне тығып келе жатқан көрінеді.
Қазір қалалық Есірткі бизнесімен қарсы күрес басқармасы есірткі тасымалдау каналдарын анықтау мақсатында арнайы жедел-іздестіру шараларын жүргізіп жатыр. Сонымен қатар, күдіктінің елорда аумағында жасалған есірткі қылмыстарына қатысы бар-жоғы анықталуда.
Аталған факті бойынша қылмыстық іс қозғалып, күдікті оқшаулағышқа тоғытылды.