Бұл туралы Білім және ғылым министрі Аслан Сәрінжіпов мәлім етті.
«Білім беру саласын дамыту жөніндегі мемлекеттік бағдарламада жаңа жүйеге 2015 жылдан бастап көшу қажеттігі айтылған. Осыған орай біз сынақты бастаймыз. Бұл сынақ емес, апробация, жүйені енгізу басталды деген сөз», — деді А.Сәрінжіпов дүйсенбі күні Орталық коммуникациялар қызметінде өткен брифингте.
Оның айтуынша, апробация оқулықтар мен оқу бағдарламасының сапалы болуы үшін қажет. «Бір жыл апробациядан өткізгеннен кейін сол тәжірибе бойынша бағдарламалар мен оқулықтарға өзгерістер енгіземіз. Содан кейін барлық мектептерге жаппай 12 жылдық жүйені енгізе бастаймыз», — деп атап өтті министр.