-Аға, сағат енді 11 болды. Қайтып бара жатырмыз. Міне, 11 болды. Біз 6-да шыққанбыз.
— 11-ден қанша кетіп жатыр?
— 3 кетіп жатыр ғой енді ғана
-Қайда тұрасыңдар?
-Міне, таксиге мініп, кетейін деп жатырмыз.
Тәртіп сақшылары түнжарымда жүргенді ұнататын балаларды көлікке мінгізіп, бөлімшеге алып кетті. Сөйтіп ата-анасы келгенше хаттама толтырды. Жазғы каникулда үйде қамалып отырғанды жаны сүйметін тек ұлдар емес екен. Полицейлердің қолына мектепте оқитын қыздар да түсті. Олардың кейбірі тіпті серуенді бұздыңдар деп тәртіп сақшыларын балағаттай жөнелді. Екі күннен бері өтіп жатқан рейд кезінде түнгі қаланы кезіп жүрген 100 бала ұсталған. Енді бұл балалардың ата-аналары да жазасыз қалмайды. Ұл-қызын қараусыз жібергендері үшін айыппұл төлейді. Ал бұдан да нәтиже шықпай, жеткіншек көше кезуді доғармаса, ата-аналық құқығынан айырылмақ.