Ғимарат экологиялық таза жылусақтағыш қабырға материалынан тұрғызылды. Жалпы аумағы 1 087 шаршы метрлік мешіттің сыйымдылығы 1500 адам. Жуынатын (дәрет алу) бөлме қабырғалары мен еденге мәрмәр тақтайша төселді. Мешіттің басқа ішкі бөлмелерінің қабырғалары шығыс стиліндегі суреттермен безендірілген, ал еденіне керамогранит тақта төселді.
Айта кетейік, «Әлжан Ана» атындағы мешіттен басқа Астанада тағы да жеті мешіт бар. Қазіргі уақытта 4 мешіттің құрылысы жүргізіліп жатыр.