Тараздан Түлкібасты бетке алып шыққан 61 вагондық пойыздың тіркемелері кенет бірінен соң бірі аударылған. Зардап шеккен адамдар жоқ. Дегенмен апат салдарынан бірнеше жүк пойызы мен жолаушы тасымалдайтын Қызылорда-Көкшетау пойызы сағаттап жарым жолда тұрып қалды. Рельстер едәуір зақымдалса керек, мамандар оны қалыпқа келтіруге біраз уақыт жұмсаған. Қазірдің өзінде пойыздар бір-ақ бағытпен қатынауда. Оқыс оқиғаның нақты себебі әзірге белгізіз. Айта кетсек, теміржолдардың тозығы жеткен бе,соңғы кездері вагондардың рельстен шығып кетуі жиілеп барады.