ІІД баспасөз қызметінің мәліметінше, қалаға кіре берістегі «Город-Стелла» тас жолында қатты жылдамдықпен келе жатқан «Honda» көлігі қарсы жолаққа шығып кетіп, балаларға қауіп төндірді. Автопатруль экипажы жүйткіп келе жатқан «Honda»-ның алдына өз көліктерін тосып, балаларды бір ажалдан құтқарып қалды.
Оқиға салдарынан патрульдік көлік жүргізушісі полиция старшинасы Зәкіров түрлі жарақаттармен ауруханаға түсті. Тиісті медициналық көмек көрсетілген соң ол үйіне жіберілді.
Автобуста болған 19 баланың бәрі де дін аман.
40 жастағы «Honda» жүргізушісіне қатысты әкімшілік өндіріс қозғалды.