«Вундеркинд» атанып кеткен балалар кез-келген есепті шемішкеше шағады. Қиын математикалық есептің өзіне көп ойланбастан жауап қайтарып жатыр. Бұл – UCMAS халықаралық орталығының Ақтөбе, Алматы, Шымкент қалаларында оқитын үздіктері. Елордаға келіп ерекше шоу жасаған олар тұрғындарды таң қалдырып кетті.
— Есептегішпен тексеріп көрулеріңізге болады.
— Дұрыс па екен?
— Дұрыс, дұрыс
Осылайша, көрермендер оқушылардың есепті қаншалықты дұрыс шешкенін есептегішпен тексеріп жатыр. Бірақ бір қате таба алған жоқ. Балалардың ақыл-ой қабілетін дамытуға арналған Юсимас бағдарламасы АҚШ, Қытай, Канада секілді әлемнің 54 мемлекетінде кеңінен қолданылады. ТМД елдері арасында Қазақстанға бірінші болып келген. Осы бағдарлама бойынша білім алғандардың барлығы есепке алғыр. Мәселен, 9 жастағы Нұртөре 1 минутта ондаған есепті еш мүдірместен шешеді.
Нұртөре Оразбек,,«UCMAS Қазақстан» халықаралық орталығының оқушысы:
— Бір минутта мен 20-дан астам есептерді шығарам. 265-ті 3 көбейткенде тең болады 795 болады.
Ал орталыққа көбіне 4 жастан бастап қабылдайды.
Ғалия Күлбаева, «UCMAS Қазақстан» халықаралық орталығының оқытушысы:
-Бағдарлама 10 деңгейден тұрады. Шамамен 3 — 3 жарым жыл оқытылады. Жас ерекшеліктері 4 жастан 12 жасқа дейінгі балаларды қабылдаймыз. Негізінде бұл математика ретінде қосымша бір пән. Балалардың ой өрісі, ойлау қабілеті, есте сақтау қабілеттері дамиды, осы бағдарлама арқылы.
Үлкен-кішіні таңқалдыратын оқып туған балалар кейін Астананың көрікті жерлерін аралады. Тіпті саяхаттарын кемеге отырып жалғастырды. Сөйтіп Есілмен жүзіп шат-шадыман болды. Ал халықаралық дәрежеде мойындалған бағдарламаныболашақта еліміздің аудан, қалаларына енгізу жоспарда бар.