Қауіпті дертке шалдыққандардың дені балалар. Алайда СЭС жұқпалы аурудың неден тарап жатқанын анықтай алмай жатыр. Ал қауіпті инфекцияны жұқтырған жеткіншектердің басы ауырып, ұйқы қысып қол-аяғы қалшылдайды екен. Қазір мамандар фонтандар, су қоймасы мен Есіл өзенінің суынан қайта-қайта сынама алуда. Өйткені, аурухана төсегіне таңылмас бұрын ұл-қыздың көбі суға шомылған. Дәрігерлер болса, қолды жиі жуып, субұрқақпен өзенге түспеуге кеңес береді. Ал Денсаулық сақтау министрлігінің шенділері менингит өршіп барады деген мәліметке әлі де аң-таң. Індет белең алды дегенді жоққа шығарған олар науқастар санының артуын жылдағы құбылыс деп өздеріне шаң жуытар емес.