Тұтынушылардың құқықтарын қорғау агенттігін 8 ай басқарған Болатбек Қуандықов өз еркімен арыз жазып қызметтен кеткен. Агенттік төрағасының міндетін атқарушы болып Қуандықовтың орынбасары әрі еліміздің бас санитар дәрігері Жандарбек Бекшин тағайындалды. Бір қызығы Бекшин бұл агенттікке қосылмай тұрғанда, Денсаулық сақтау министрлігіне қарасты эпидимиологиялық бақылау комитетінің төрағасы болған шағында «А» корпусына тесттен өте алмай құлаған еді. Сондай-ақ, бүгін 300 мың доллар пара алды деп қамауға алынған Табиғи монополоияларды қорғау агенттігінің төрағасы Мұрат Оспанов қызметінен қуылды. Оның да міндетін атқарушы болып орынбасары Аманжол Алпысбаев бекітілді.