Қалалық Білім басқармасынан хабарлағандай, ол биыл 1 тамыз бен 30 тамыз аралығында «Балаларға мейірімділік сыйла» ұранымен өтеді, делінген елорда әкімдігінің ресми сайтында.
Ауқымды акция еліміздің түкпір-түкпірінде ұйымдастырылады. Оның мақсаты — аз қамтылған отбасылардан шыққан және ата-аналарының қамқорлығынан айырылған балаларға жаңа оқу жылына дайындалуға көмектесу.
Ұйымдастырушылар әр баланы мектепке қажетті құрал-жабдықтармен қамтамасыз ету үшін қала тұрғындары мен қазақстандықтарды шараға жұмыла атсалысуға шақырады. Оған қатысуға ниет білдірушілер Білім басқармасының мына телефон нөмірлеріне хабарласа алады: 55-68-74, 55-68-75.