Жолаушылар билеті әсіресе Астанадан Алматы, Шымкент, Семей сынды адам жиі қатынайтын ірі қалаларға мүлдем жоқ, — дейді. Қазір кассадан біз де сұрап білейік.
-Сәлеметсіз бе?!
Ертеңге, яғни 15 тамызға Астанадан Алматыға билет бар ма?
–Жоқ.
Міне, шынында да жақын күндері Елордадан оңтүстік астанаға жету мұң болып тұр.
Жұрт үлкен қалалармен қатар Астанаға жақын өңірлерге де жолға шыға алмуда. Жүздеген адам бірнеше күннен бері дәл осылай Темір жол вокзалындағы кассаларды күзетіп жүр.
— Кешеден бері жүрміз, билет жоқ. Бір ай болды жоқ. Павлодар мен Қостанайға билет таппай ссенделіп жүрміз.
Азаматтардың айтуынша, қазіргі билет тапшылығынан пайда көріп қалғысы келетін пысықайлар да бар екен. Мәселен, Балжан апай бірнеше бір аптадан бері Жамбыл облысындағы Шуға жете алмай жүргенін айтады. Бүгін екі билет табылыпты. Бірақ, неге екені белгісіз, жол ақысының құны аяқ асты екі есеге қымбаттап шыға келген.
Балжан Шәкәрім, Астана қаласының тұрғыны:
— Керемет ақша жасап жатыр бұлар. Менің көз алдымда 3.700 теңгелік пойызға билет болды, үстінен 2000 болса, алып кетесіз деді. Ақшам жетпей қалып, одан да қағылып қалдым.
Дәл осылай діттеген жеріне жете алмай, жолда қалған мыңдаған адамның обалына қалмас үшін Жолаушылар тасымалы мекемесі де шұғыл шара қолдануға кіріскендерін айтады. Жауаптылар жақын күндері кестеден тыс, қосымша пойыздарды жолға шығармақ.
Асылхан Қалдыкөзов, «Жолаушылар тасымалы» АҚ Жаңа технологияларды енгізу және дамыту ісі бойынша директорының міндетін атқарушы:
— Биыл сұранысты қанағаттандыру үшін екі жүрдек пойыз енгізілді. Бірінші: Астана-Шымкент, екіншісі, Алматы-Ақтөбе бағытында өз қызметін жасап жатыр. Жыл аяғына дейін үш бағытта енгізіледі. Олар: Астана-Қызылорда, Алматы-Өскемен, Астана-Өскемен. Шілде айында қосымша 500-ден астам вагондар тіркелген.
Тамызда пойызбен 700 мыңға жуық адам жол жүріпті, жолаушылар саны жыл сайын артып келеді екен. Әлі жазғы демалыста ауылға кетіп, қаладағы оқу орындарына орала алмай сабылған студент пен еліміздің әр аймағында діттеген жеріне жете алмай жүрген адам қаншама. Ал, жазғы уақыттағы билет тапшылығын болдырмау үшін жолаушы тасымалдаушы мекемелер жұмсын бірден қырық пайызға арттыру керек екен.