«Ұялы телефоннан Іле АІІБ кезекші бөлімінің «102» арнасына белгісіз ер адамдар Ақши ауылында орналасқан шаруа қожалығына баса-көктеп кіріп, күзетшіні ұрып-байлап тастап, 15 қой-ешкіні ұрлап кеткені туралы хабар келіп түсті», — делінген хабарламада.
Зардап шеккен адамның айтуынша, қылмыскерлер Газель машинасына мініп тайып тұрған, ол көліктің мемлекеттік нөмірін ішінара есте сақтап қалған. Дегенмен машинаның белгілері Іле ауданындағы барлық жол-торуыл полициясының экипаждарына берілді. Көп кешікпей торуыл экипаждарының бірі айтылған белгілерге ұқсас Газель автмошинасы «Алматы-Астана» автожолымен кетіп бара жатқанын хабарлады. Полицейлер трассаның 59-ы шақырымында машинаны тоқтатты. Салондағы күдіктілер ұсталып, таяу маңдағы полиция бөлімшесіне жеткізілді.
Автомашина қорабындағы ұрланған мал заңды иесіне қайтарылды.
Қазіргі кезде көршілес Еңбекшіқазақ ауданының тұрғындары болып шыққан үш күдікті Іле АІІБ-іне қамалды. Тонаушылық шабуыл фактісі бойынша қылмыстық іс қозғалды.