Тәртіп сақшысы автокөліктің қосалқы бөлшектерін ұрлау дерегі бойынша түскен істі тергеуі керек болатын. Бірақ ол тергеудің орнына күдіктіден 50 мың теңге мен айфон телефонын, оған қоса Ақтау-Шымкент бағытына әуе билетін сатып алып беруді талап еткен. Сөйтіп, қылмыстық істі жабуға уәде беріпті. Алайда ішкі қауіпсіздік қызметіндегі әріптестері оны қылмыс үстінде ұстады. Парақордың әрекеті барлық полиция қызметкеріне сабақ болуы үшін сот үкімі жариялы түрде оқылды. Ал, айыпталушы ұялса керек, үкімді тыңдауға шықпады.