Мамандардың пікірінше, ол Мұхаммед пайғамбар (с.ғ.с) 632 жылы көз жұмған соң ондаған жылдардан кейін жазылған. Бұл туралы университет таратқан хабарламада айтылды.
Осыған дейін сарапшылар қолжазба шамамен VIII-IX ғасырларда жазылды деп болжап келген еді. Алайда жүргізілген зерттеулер нәтижесінде, соның ішінде оны мерзіміне радийкөмірсутекті сараптау жүргізу көмегімен манускрипттің көне екені анықталды. Мамандар 95,4% мүмкіндікпен ол б.д. 649-675 жылдарына жатады деген тоқтамға келді, деп хабарлайды ТАСС.
Қолжазба куфи қарпімен таңбаланған.
"Мұндай тоқтамға келген себебіміз — бұл бізде сақталғандағылардың ішіндегі ең көне пергаментке жазылған Құран", — дейді кітапхана өкілі.
Манускрипт Тюбинген қаласына 1864 жылы кітапхана пруссиялық дипломат Иоганн Готфрид Ветцштейннің жинаған кітаптарының бір бөлігін сатып алғанда тап болған екен. Бұл кітапхана қорында Құранның 20-дан астам фрагменті бар, делінген хабарламада.