Семейліктер талай кесапат әкелген полигонды жапқызған Елбасының ерлігін әлі күнге дейін мақтанып айтады. Сондықтан қала тұрғындарының Елбасыға деген ықыласы мен құрметі ерекше. Ақсақалдармен өткен осындай кездесуден кейін үгіт-насихат жергілікті цемент зауытында жалғасын тапты. Назарбаевтың өзі осы мекемеге бұрын бірнеше рет келіп, оның дамуын қатаң бақылауына алған болатын. Сондықтан бұл осы өңірде өркендеп тұрған бірден-бір өндіріс ошағы.
Ирина Деркачева, Семей цемент зауытының бөлім бастығы:
-Елбасының жүргізген салиқалы саясатының арқасында біз болашағымыз үшін алаңдамаймыз. Оны барлық ұлт өкілдері қолдайды. Өйткені ол бейбітшілік пен жасампаздықтың нышаны іспеттес.