Алматыда фонтандар іске қосылды

Әдетте қаладағы субұрқақтар жылда 1-ші мамыр күні іске қосылады. Бүгін олар Тұңғыш Президент саябағында, Республика алаңында, сондай-ақ, Абай атындағы опера және балет театрының алдында атқылады. Мереке күні серуендеп шыққан алматылықтар бір-біріне су шашып, суретке түсіп, көңіл көтерді. Бір айта кетерлігі, қаладағы 130-ға жуық субұрқақтың бүгін тек 10-ы қосылды. Қалғаны айдың аяғына дейін біртіндеп қосыла береді.