Павлодар облысында "Қазпоштадан" екі қап ақша тоналды

Бейресми мәліметтерге сенсек, беттерін тұмшалап алған екі азамат поштаға мекеменің төменгі қабатындағы түнгі клуб арқылы кірген. Мұздай қаруланған ұрылар күзетшінің қол-аяғын байлап, ақша толы 2 инкассаторлық қапты көтеріп кеткен. Облыстағы барлық полиция құрамы шұғыл із кесу шараларын қолға алып жатыр. Екібастұздан бастап, Павлодардың барлық аудандарына шығатын жолдарға бекеттер қойылып, күдік тудыратын автокөліктер жіті тексерілуде.