Қайғылы оқиға Сарыағаш ауданының Береке ауылында орын алған. ТЖД-нің мәліметтерінше, шағын арыққа құлаған сәби қыз санаулы минуттардың ішінде суға тұншықты. Оның мүрдесін ата-анасы анықтады.
Құтқарушылардың айтуынша, таяу күндері Сарыағаш ауданында 11 жасар мектеп оқушысы суға батып кетті. Арнадан үстіндегі құбырмен өтпекші болған ол абайсызда суға түсіп кеткен. Құтқарушылар оның мүрдесін тек екі күннен кейін анықтады. Енді арналар мен арықтар арқылы өтетін барлық жолдар ТЖ қызметкерлері мен шенеуніктердің ерекше бақылауында болмақ. Биылғы жылы облыс бойынша суға 11 адам батып кеткен.