Бұл туралы бүгiн баспасөз мәслихатында Қазақстан халқы Ассамблеясы кеңесiнiң мүшесi, Қазақстан немiстерi қауымдастығының басшысы Александр Дедерер мәлiм еттi.
«Бiз Қазақстанда және Германияда түрлi құрылымдармен бiрдей қарым-қатынас жасап тұрамыз. Биыл қазан айында бiз «Қазақстан немiстерi — Астана мен Берлин арасындағы көпiр» атты халықаралық конференция ұйымдастыруды жоспарлаудамыз. Бұл конференция осы тақырыпты жан-жақты ашуға, оны терең мәнмен толтыруға бағытталған. Оның қорытындысы негiзiнде өзiмiздiң тұжырымдамамызды жасақтап, жүзеге асыратын боламыз», — деп атап өттi бiрлестiк басшысы.
Оның сөзiне қарағанда, бiздiң о баста Германияға көшкен жерлестер Қазақстан атын әйгiлеуге, бiздiң елiмiздi таныстыруда үлкен үлес қосып келедi.
«Осының арқасында германиялықтардың басым бөлiгi Қазақстанды жақсы бiледi, тiптi көршi мемлекеттей жақын көредi», — дейдi А. Дедерер.