Ахмет Дәуітоғлы, Түркия Республикасының премьер-министрі:
— Аазаздың күрд жасағының бақылауына өтуіне еш мүмкіндік бермейміз. Мұны бүкіл әлем білуі тиіс. Әскери әуе базасын оппозициялық күштердің қолдануына да жол жоқ. Егер олар алған беттерінен қайтпаса, әуежай жермен жексен болады. Түркия өзінің ұлттық қауіпсіздігін сақтау мақсатында мүмкін болар барлық қадамдарын жасауға әзір. Түркия қарулы күштерінің Сирияның солтүстік өңірлеріне оқ атуын АҚШ, Ресей мен Франция елдері қатаң сынға алып, дереу тоқтатуын талап етті. Сирия ақпарат көздерінің хабарлауынша, қақтығыста күрдтердің екі жауынгері көз жұмған. Түркия Сирияға құрлық арқылы әскери операция жүргізе ме? Күн тәртібіндегі өзекті сауалдардың бірі осы. Түрік үкімет жетекшісі Ахмет Дәуітоғлы бұл мәселені саяси жолмен шешуге басымдық беретінін тілге тиек етіп, тілшілер қауымын ақпараттық соғыспен айналыспауға шақырды.