"Эйр Астана" компаниясының баспасөз қызметі бұл ақпаратты растады. Олардың хабарлауынша, қазір Роман Быков әуе компаниясынан шығып кеткен.
«Иә, ондай жағдай болды. Әуе компаниясында ұшқыштар мен қызметкерлердің есірткі пайдалануына тыйым салынған. Мұнда қызметкерлерден қан талдауы, алкоголь немесе есірткіге тексеріледі. Роман Быков қазір әуе компаниясында жұмыс істемейді. Ол есірткі табылған соң бірден жұмыстан шыққан», — деді компания өкілі Тілек Әбдірахимов.