Бұл туралы Stan.kz хабарлайды.
Әнші өзінің жеке өміріне желі қолданушыларын еліктіре түскісі келіп жүргендей. Бұл жолы сүйіктісінен тағы да гүл алғанын айтып мақтанды. Мұнымен қатар, аталған гүл шоғының жапырақтарымен төсегін көмкеріп, ғашығына ыстық ықыласын жеткізді.
“Қостанайдың түндері тынық екен. Серуендеп келдім. Жатар алдындағы серуен жақсы ұйқының кепілі. Ал мына гүл шоғы мені әр қаладан өзі болмаса да, жып-жылы сәлемі тосып тұратын алыстағы жаннан. Иісін сезіп тұрсыздар ма?! Күшті! Бүгін Қостанай қаласының стадионына келген көрермендерден алған әсерімді сөзбен жеткізе алмай отырмын! Өте керемет концерт болды! Осы жолы Қостанай xалқының қонақжайлығына риза болдым. Сіздердің ыстық ықылас, сүйіспеншіліктеріңізге мың алғыс! Енді Қостанай мен асығып баратын қалалардың бірі болды. Және инста достарым, мен сіздерді жақсы көремін! Барлықтарыңызды сүйдім”, – дейді Ерке Есмахан.
Желі қолданушылары әдеттегідей қызығушылықтарын жасыра алмады. Әншіден сүйіктісін қашан көрсететіндігін сұрады. Мұнымен қатар, гүлді Еркенің өзі сатып алып жұртты алдап жүр деп әжуалағандар да болды. “Гүлді өзіңе өзің сатып алып, көзімізді бақырайтып қойып алдап жүрген боларсың” дейді қолданушылардың бірі. Ал әзірге Еркенің сүйіктісін қашан көрсететіні белгісіз.