Головкиннің жеке менеджері, Олег Герман таяуда былай деп мәлімдеді:
«Геннадий кездесу алдында Астанаға барып қайтқан, Рахымбаев жекпе-жектерді ұйымдастыруға көмек береміз деп уәде беріп арқадан қағып шығарып салды. Сол себепті де Геннадий құрылыс компаниясының пиар-шараларына қатысты. Алайда тура жекпе-жек алдында BI Group серіктестіктен бас тартты. Осылай істеуге бола ма екен? Қазақстан деген брендті әлемде танытып жатқан тұлғаны алдау дұрыс емес. Ендігәрі қазақстандық компаниялармен абайлап жұмыс істейміз».
Дау-дамайдан кейін BI Group-тың ресми мәлімдемесі де көп күттірмеді.
«Біз Головкиннің екі жекпе-жегін өткізуге көмектестік. Басты мақсатымыз өзімізді жарнамалау емес, отандық спортты алға сүйреген спортшыға қолдау көрсету болды. Біз өз тарабымыздан барлық шарттарды орындап болдық», — делінген хабарламада.