Андрей Афонин Мағжан Жұмабаев ауданындағы Александровка ауылында тұрған және механизатор болып еңбек еткен. Бірнеше жыл бұрын Омбы облысына көшіп, «Спецстрой» компаниясына жұмысқа тұрған. Онда вахталық әдіспен жұмыс істеген. А.Афониннің анасы мәйітті тануға аға-жеңгесінің кеткенін айтты.
Болған оқиғаға ана жүрегі сенер емес. Андрейді туған ауылына жерлейді. Оның жасы бар болғаны 35-те еді және артында әйелі мен қызы қалды.
Еске сала кетсек, 21 қазан күні «Скол» әуе компаниясының МИ-8 тікұшағы Ямал маңындағы Уренгой ауылында апатқа ұшырады.
Тікұшақта ұшқыштар мен жолаушыларды қоса алғанда барлығы 22 адам болған. Ресей ТЖМ хабарлауынша, үш адам ғана аман қалды.