ШҚО-да Зырян ауданында жоғалып кеткен 8 жастағы Виктория Тойкеневаның өлігі табылды, — деп хабарлайды YK-news.kz тілшісі Зырян аудандық ішкі істер бөлімінің штаб басшысы Асель Сүлейменоваға сілтеме жасап. Қыздың денесі бүгін табылған, деп хабарлады tengrinews.kz
Сүлейменованың мәліметінше, мектеп оқушысы қаланың оңтүстік бөлігінен табылған. Полициядағылар әзірше қайғылы оқиғаның мән-жайын айтуға дайын емес.
Алдын ала мәлімет бойынша, расталмаған ақпарға сәйкес, қыздың өртенген денесі тастанды үйде жатқан. Сондай-ақ, полицейлер күдіктіні ұстады делінеді. Ол қыздың өгей әкесінің үйінде жұмыс істеген.
Еске салайық, Виктория Тойкенева 10 қарашада жоғалған. Қыз мектептен үйіне қайтып келе жатып, із-түссіз жоғалған.
