25-желтоқсан күні сағат 16.00-де облыстық денсаулық сақтау басқармасының басшысы Нұрлан Қасымов абайсыз аңшылық тегіс ұңғылы қарумен сол иығын жарақаттап алған, деп хабарлайды pavlodarnews.kz тілшісі.
Бір сағаттың ішінде Нұрлан Қасымов дереу облыстық ауруханаға жеткізіліп, ота жасалған. — Бүгінгі күні Нұрлан Қаукенұлының жағдайы тұрақты, — деді басқарма басшысының орынбасары Нұрлан Оразалин. Естеріңізге сала кетсек, Нұрлан Қасымов Павлодар облысы денсаулық сақтау басқармасының басшысы болып 2012 жылы тағайындалған. Бұған дейін ол бас дәрігер, Астана қаласы «Жедел медициналық көмек көрсету республикалық ғылыми орталығы» АҚ-ның басшысы міндетін атқарған.