Кәрімованың қорғаушысы болып тағайындалған швейцариялық адвкат Грегуар Манжеаның хабарлауынша, прокурорлор Гүлнәрмен екі мәрте: өткен жылы 9 және 10 желтоқсанда кездескен. Заңгердің айтуынша, Кәрімованың "жағдайы жақсы болғанымен, оның қауіпсіздігене ешкім кепіл бере алмайды". Адвокаттың мәлімдеуінше, оған "сыртқы әлеммен байланыс орнатуға, тіпті балаларымен кездесуге тыйым салынған".
Швейцария прокуратурасы қызметкерлерінің Өзбекстанға барғанын растады.
Гүлнәр Кәрімова көпшілік алдына 2014 жылдан бері шықпайтын болған. Ол әкесінің жерлеу рәсіміне де қатысқан жоқ. Хабарларға қарағанда, оны үй қамауына ауыстырған. Сол жылы Швейцария билігі жемқорлыққа қатысты қылмыстық іс қозғады.
Өзбекстанда тиімді келісімге қол жеткізу үшін шетелдік компаниялар Кәрімоваға пара берген деген болжам бар. Швейцария билігі оның есебіндегі 650 миллион евроны құлыптап тастады.