ҚР мемлекеттік қызметкерлері мемлекеттік қаражаттың "әр тиынын" үнемдеуі тиіс деп мәлімдеді Қазақстан президенті Нұрсұлтан Назарбаев.
"Бәріміз де мемлекеттік қызметкерлерміз. Мемлекетке, халыққа қызмет етеміз. Олай болса сол қызметімізді дұрыс атқарайық! Мемлекеттің әр тиынны үнемдеп, орынсыз шашпайық. Мұнымен жалғыз өзім айналысуым керек пе? Сендерге бюджет берілді, соны үнемдеуді ойлауға тиіссіңдер. Кім тиімді пайдаланса, соған беру керек", — деді Назарбаев үкіметтің кеңейтілген отырысында. Оның айтуынша, мемлекеттік ведомство қызметкерлер санын 10%-ға қысқартатын болса, үнемделген ақшаны үздік қызметкерлерге беріп, жалақысын көбейту қажет. "Саған бір жолы мемлекеттік қаражатты тиімді жұмсау жолдарын іздеу керек деп айтқанмын. Міне, енді екінші рет ескерту жасап отырмын. Байқа, үшінші рет опық жеп қалуың мүмкін", — деді Назарбаев қаржы министрі Бақыт Сұлтановқа.