Бұл туралы «Қазақстан» РТРК-ның ресми сайтында жазылды.
Мәди Манатбек 2012-2013 жылдары «Қазақстан» РТРК» АҚ өндіріс жөніндегі басқарма төрағасының орынбасары қызметін атқарған. «Республикалық радио» ЖШС «Қазақстан» РТРК» АҚ-нан құрылған радио хабарларын тарату бойынша жұмыс атқаратын кәсіпорын және оның құрамына Қазақ радиосы, «Шалқар», «Астана», «Classic» атты төрт радиоарна кіретінін хабарлаймыз.
Әшімов Асқар Тұрғанбайұлы «Қазақстан» Ұлттық телеарнасының директоры болып тағайындалды. Ол әр жылдары «Қазақстан» РТРК» АҚ Атырау облыстық филиалының директоры, «Қазақстан» Ұлттық телеарнасының бас режиссері қызметтерін атқарған.
Сондай-ақ, «Қазақстан» РТРК» АҚ-ның Аймақтық даму дирекциясының директоры тағайындалды. Бұл лауазымға бұрын «Қазақстан» РТРК» АҚ Шығыс Қазақстан және Ақмола облыстық филиалдарының директоры қызметінде болған Дүйсенов Арсений Кеңесұлы бекітілді.
«Қазақстан» Ұлттық телеарнасының директоры қызметін осы уақытқа дейін атқарған Ағыбаев Жанахмет Жәнібекұлы Атырау облыстық филиалының директоры қызметіне тағайындалды.
Сонымен бірге, Қоғамның аймақтардың дамуы жөніндегі Басқарма төрағасының орынбасары Ысқақов Ильяс Башарұлының және осы уақытқа дейін «Республикалық радио» ЖШС Бас директоры қызметін атқарған Өтеғалиев Досымбек Қонысбекұлының өкілеттіктері тоқтатылды.
Айта кетейік, Жанахмет Ағыбаев пен Досымбек Қонысбекұлы "Қазақстан" телеарнасы мен "Республикалық радиоға" директор болып Кемелбек Ойшыбаев басшы болып тұрған кезде тағайындалған еді. Ал Ойшыбаев корпорацияны 4 ай ғана басқарды. Сосын РТРК басқармасының төрағасы болып белгілі саясаттанушы Ерлан Қарин тағайындалды.