Төрт жүзден астам адам жарықсыз қалды
Ақмола облысында еріген қар суы аралық станцияны басып, бүтін ауыл жарықсыз қалды, деп хабарлады Sputnik Қазақстанға төтенше жағдайлар департаментінде. Есіл ауданының Знаменка ауылы Есіл өзеніндегі су деңгейінің көтерілуіне байланысты 35/10 кВ аралық станциясын су басты. "Аралық станция ауданындағы су деңгейі 80 сантиметр. Қазіргі уақытта аралық станция желіден ажыратылып, тоқсыздандырылды. Тұрғындар саны 460 адам болатын ауылдың 183 үйі электр қуатынан ажыратылды", — деп ақпараттандырды ТЖ департаментінде. Сондай-ақ Аршалы ауданында 25 сәуір күні сағат 14-те Жібек Жолы ауылында магистралдық суқұбыры желісі жарылды. Апат салдарынан 400 абонент судан ажыратылды. Су жеткізу ұйымдастырылды. Коммуналдық қызметтер жөндеу-қалпына келтіру жұмыстарын жүргізіп жатыр.