Ол – Атырау қаласының 1989 жылы туылған тұрғыны, деп хабарлайды "Қазақстан-Атырау" телеарнасы. Сосын қыздың полиция қызметкерімен арадағы қысқаша әңгімесі көрсетілді.
— Не себептен осындай құқық бұзушылық жасадыңыз?
— Сол… күйініп…
— Күйініп? Ондай құқық бұзушылық бар екенін, оған әкімшілік шара қолданылатынын білесіз бе?
— Білемін.
— Біле тұра сондай құқық бұзушылық жасап отырсыз. Әр адам солай орталық көшеде шешініп жүретін болса, не болады? Қандай тәртіп болады? Өзіңіздің мына жасаған қылығыңызды мойындап отырсыз ба?
— Иә.
— Енді мұндай құқық бұзушылық қайталана ма?
— Жоқ.
— Енді мұндайды қайталамаңыз. Қайталанған жағдайда әкімшілік қамауға алынасыз.
Дегенмен, ерсі қылығымен елге танылған қыздың неге күйінгені белгісіз болып қалды. Ал оның әрекеті әкімшілік құқық бұзушылық ретінде танылып, бойжеткенге 434-бап бойынша хаттама толтырылып, жеті айлық есептік көрсеткіш (15883 теңге — ред.) негізінде айыппұл төлеуге міндеттелді.
Естеріңізге салсақ, Атырау қаласының 28 жастағы тұрғынының аялдамада мас күйінде жалаңаш тұрған видеосы әлеуметтік желіде осы аптаның басында тараған еді.