Демалыс күндері аяз бен қардың бәсеңдеуіне себеп болған циклон ығысып жатыр. Оның орнына суықтың кезекті толқынын әкелетін антициклон қайта оралды. Бұл туралы "Қазгидромет" РМК жетекші инженер-синоптигі Зайна Сағындықова айтты.
"Температура аз ғана және қысқа мерзім ішінде төмендейді. Егер өткен аптада ауа температурасы нормадан 15-22 градусқа төмен болса, алдағы үш тәулікте ол нормадан 2-4 градусқа төмендейді. Батыс облыстарда температура бұрынғысынша нормадан 3-8 градусқа жоғары болады", — деді Сағындықова.
Ал бүгін атмосфералық фронттардың өтуіне байланысты Қазақстанның басым бөлігінде қар жауып, бұрқасындатады, тек оңтүстікте, солтүстікте және солтүстік-батыста ауа райы жауын-шашынсыз болады. Республиканың кей жерлерінде тұман түсіп, көктайғақ болып, жел күшейеді, бұрқасындатады.
Алматы облысының кей жерлерінде тұман түсіп, Жалаңашкөл аумағында жел 18-23 м/с күшейеді.
Жамбыл және Маңғыстау облыстарының кей жерлерінде тұман түсіп, көктайғақ болады, жел 15-23 м/с күшейеді.
Батыс Қазақстан облысының кей жерлерінде бұрқасындатып, көктайғақ болады, түнде жел 15-20 м/с күшейеді.
Атырау облысының кей жерінде тұман, көктайғақ болып, түнде жел күшейеді – 18 м/с.
Шығыс Қазақстан облысының кей жерлерінде жел 15-20 м/с күшейіп, бұрқасындатады.
Ақмола, Қызылорда, Ақтөбе, Қостанай, Солтүстік Қазақстан, Павлодар және Қарағанды облыстарының кей жерлерінде тұман түседі деп болжанып отыр.